Este peche do tráfico afectará ao carril da calzada esquerda da autovía, no treito entre os puntos quilométricos 12+800 e 14+200.
O corte de carril será en días laborables ao longo dun prazo de aproximadamente un mes.
O obxectivo dos traballos é estabilizar un noiro situado en torno ao punto quilométrico 13+000 da autovía co fin de reforzar a seguridade e a conservación da infraestrutura.
No marco das inspeccións que a Xunta efectúa na rede viaria, detectouse a necesidade de reforzar a estabilidade do citado noiro, realizando un estudo técnico e a identificación dos parámetros xeotécnicos correspondentes.
Realizarase un tratamento a base de dobre capa de mallazo ou fibras sintéticas, bulóns e capa de formigón de 10 cm de grosor, colocando unha rede de drens para aliviar as presións da auga sobre o formigón proxectado, de comportamento impermeable.
Por detrás da banda de formigón, a unha separación dun metro da liña de coroación do noiro, executarase unha cuneta para a canalización das augas, que derive mediante unha baixante á obra de drenaxe existente na zona do paso superior.