Santiago de Compostela, 24 de novembro de 2024
A Xunta iniciará este vindeira semana novos traballos de limpeza e roza nas estradas autonómicas da provincia da Coruña: AC-522, entre Coristanco e Carballo; e na AC-413 no municipio de Ordes.
Ademais, proseguirán as actuacións en marcha na provincia de Lugo no tramo da vía de altas prestación CG-2.3, no seu percorrido polos municipios de Viveiro e Xove, e na estrada LU-616, no Saviñao.
No caso das vías autonómicas da provincia de Ourense, continuarán as tarefas de acondicionamento nas zonas verdes iniciadas a pasada semana en sendas peonís e glorietas das estradas OU-105 e OU-101, en Seixalbo e glorieta da VG3.1, A Medorra e Ponte Sevilla.
Na provincia de Pontevedra, proseguirán as intervencións na estrada PO-226, en Moraña.
Todas as actuacións que se están a acometer nas vías de titularidade autonómica consisten no roce de vexetación na zona de dominio público das estradas, na reposición ou reparación de elementos de valado perimetral das estradas ou no acondicionamento de zonas verdes en sendas peonís e glorietas.
A Xunta, con este programa, segue a intensificar as súas accións para previr o risco de lumes e contribuír ao reforzo da seguridade viaria mediante o aumento da visibilidade e as accións para facilitar o tránsito de peóns e ciclistas.
Estas intervencións do departamento que dirixe María M. Allegue enmárcanse no novo contrato coa empresa pública Seaga para o control da biomasa das marxes das estradas autonómicas, que conta cun investimento total de 4M€ para os dous próximos anos.