Santiago de Compostela, 2 de marzo de 2025
A Xunta comezará esta vindeira semana os traballos de limpeza e roza nas marxes da estrada autonómica OU-104, no concello de Maceda.
Ademais, continuarán os traballos de roza que se están a levar a cabo en distintos treitos das vías de titularidade da Xunta nas provincias de Ourense, A Coruña e Lugo.
Na provincia de Ourense, proseguirán as labores iniciadas hai unhas semanas na estrada OU-801, ao seu paso polos municipios de Padrenda e Ribadavia; e na OU-902, no Carballiño (enlace N-541).
Tamén proseguirán as tarefas en execución na estrada autonómica AC-413, no municipio coruñés de Ordes.
Ademais, continuarán os traballos de roza na autovía Ferrol-Vilaba (AG-64), no tramo entre Vilaba e Xermade.
Seguridade viaria
Todas estas intervencións consisten na limpeza e roza de vexetación na zona de dominio público das estradas de titularidade da Xunta, e na reposición ou reparación de elementos de valado perimetral das estradas autonómicas ou no acondicionamento de zonas verdes en sendas peonís e glorietas.
A Xunta, con este programa, segue a intensificar as súas accións para previr o risco de lumes e contribuír ao reforzo da seguridade viaria mediante o aumento da visibilidade e as accións para facilitar o tránsito de peóns e ciclistas.
As actuacións da Consellería de Vivenda e Planificación de Infraestruturas están enmarcadas no contrato coa empresa pública Seaga para o control da biomasa das marxes das estradas autonómicas, que conta cun investimento total de 4 M€ para este e o vindeiro ano.