Santiago de Compostela, 14 de febreiro de 2025
A Axencia Galega de Infraestruturas (AXI) reabre esta tarde ao tráfico o tramo da AG-56 en Brión, que obrigou a semana pasada ao peche da calzada en sentido Noia, para acometer as obras reconstrución dun muro de contención na autovía de titularidade da Xunta. A apertura ao tráfico prevese realizar a partir das 17:00 horas.
Os traballos que se veñen de rematar, e que foron iniciados o pasado día 5, consistiron na reconstrución do muro situado entre os puntos quilométricos 110+980 ao 111+000 da autovía Santiago-Noia, tras un desprendemento por mor das fortes chuvias de finais de xaneiro.
Para avanzar nesta actuación e garantir a seguridade dos traballadores e dos usuarios da autovía procedeuse ao corte nesta calzada, habilitándose os correspondentes desvíos para facilitar a circulación na autovía.